練瑜伽好容易迷失，同做人一樣

suet_yoga
練瑜伽好容易迷失，同做人一樣
話說最近上緊Aerial Yoga TTC，好想分享老師嘅一席話，真心學到嘢：
1. 老師話瑜伽就係覺知Awareness，覺知自己嘅身體，繼而學習控制佢。進階啲嘅練習者覺知身體嘅能力高啲，佢哋知自己有冇用岩力，邊啲位郁左，邊啲位冇郁，係好細微嘅感覺，瑜伽就係覺察呢啲感覺嘅訓練，而導師就係要建立一個「身體感受Library」，再分享俾同學聽。
2. 老師又話，令你健康「加分」嘅練習係好沉悶，因為做嘅嘢好基礎，但往往最難做好嘅就係基本功。時下嘅瑜伽堂唔令你健康「扣分」就已經好好。
3. 導師要尊重學生嘅身體，要有設身處地嘅同理心，換言之係要保持謙虛嘅心，佢痛唔係事必要忍，佢緊嘅位唔係事必要鬆。每個人嘅身體都唔一樣，唔好將岩你自己嘅一套放入所有學生身上，變左好心做壞事，同學生溝通要諗咗先，唔識就學多啲，唔好一下否定學生感受。（聽到我想喊）
最近開始教班都諗咗好多，應該教咩，點樣教最好，太Basic又怕會悶，太Advanced又怕Chur得濟，真係多謝同學仔信任我