32k心路歷程，最後一個關於鬼手嘅post

sundew_w_hk
~32k心路歷程，最後一個關於鬼手嘅post


頭5k：一開始比較急上，胺多酚釋出，少少攰但興奮。
5-10k：攰，開始升溫，但意志力依然堅定。
10-15k：對腳開始好攰，要好專心調整呼吸。對腳攰到係一停低企係度更加攰，而且開始有少少中暑跡象，穿林期間好焗促。
落黃竹角咀個陣(超級斜嘅泥路)開始標冷汗同有啲頭痛，太陽好猛烈，係一點幾嘅時間。落到岸邊決定自己匿埋係大石下面避暑休息。
影完鬼手之後嘅3k：食咗野休息過有番體力，但上番跌死狗依然頭痛同有啲吃力。
18-24k：之後路徑比較易行，而且冇咗心理壓力同太陽，放慢腳步比較輕鬆。
24-28k：開始多番啲上落斜坡同樓梯，四頭肌已經完全頂唔緊，好辛苦，好彩隊友有多支pole。係超級辛苦，好想快啲番屋企，開始諗點解要行。
28-32k：到咗副壩，繞過一座山再到主壩。雖然只係石屎路，但天已經黑晒，乜風景都冇，不斷望腳下一模一樣嘅灰色地下，精神狀態已經好差，合埋眼可以即刻瞓著。腳板底好熱好痛，feel到損左，大脾已經陣亡，有種斷左嘅感覺。我會話呢段係地獄，因為佢完全比你一種無窮無盡嘅路嘅感覺。

結論係：唔好夏天行/隊友好重要/裝備好重要/心理質素好重要，你要有好強嘅求生意志
https://www.instagram.com/p/CNIVfj2BS7n/